Hola Espana: The Grand Spanish Journey

Ժամանում Բարսելոնա։ Օդանավակայանում դիմավորում Europe Voyage ցուցանակով։ Կազմակերպվում է տրանսֆեր դեպի Բարսելոնայի շրջակայքում գտնվող հյուրանոց և տեղավորում։ Ազատ ժամանակ՝ քաղաքում հանգստանալու համար։ Գիշերակաց հյուրանոցում։

Նախաճաշ հյուրանոցում։ Շրջայց Բարսելոնայում , որի ընթացքում կտեսնեք քաղաքի ամենահայտնի տեսարժան վայրերը՝ Պասեո դե Գրասիա փողոցը՝ Կասա Բատլյո և Կասա Միլա շենքերով, Sagrada Familia, Կատալոնիայի հրապարակը, Գոթական թաղամասը, Կատեդրալը, Ռամբլա փողոցը, Սան Ժաումե հրապարակը, քաղաքապետարանը և Թագավորական պալատը։ Կարող եք նաև մասնակցել «Երեկոյան Բարսելոնա» ֆակուլտատիվ էքսկուրսիային, որի ընթացքում կայցելեք Իսպանիայի հրապարակ, կվայելեք երաժշտական շատրվանների տեսարանները, կբարձրանաք Մոնժուիկ բլուր, կտեսնեք պատմական ցլամարտի արենան, քաղաքի ծովափնյա հատվածը և Կոլումբոսի հուշարձանը։ Օրվա ավարտին վերադարձ հյուրանոց և գիշերակաց։

Նախաճաշ հյուրանոցում։ Տրանսֆեր դեպի Մադրիդ։ Ճանապարհին կարող եք մասնակցել Մոնսերատի ֆակուլտատիվ էքսկուրսիային՝ այցելելով Կատալոնիայի ամենահայտնի և սրբազան վայրերից մեկը՝ IX դարի բենեդիկտյան վանքը, ծանոթանալով Սև Մադոննային՝ Լա Մորենետային, զբոսնելով լեռնային արահետներով և բարձրանալով դիտակետեր։ Ճանապարհին նախատեսվում է կանգառ նաև Սարագոսայում, որտեղ կկազմակերպվի կարճ զբոսանք քաղաքի պատմական կենտրոնում։ Այնուհետև ճանապարհը կշարունակվի դեպի Մադրիդ։ Ուշ ժամանում Մադրիդ և գիշերակաց հյուրանոցում։

Նախաճաշ հյուրանոցում։ Շրջայց Մադրիդի տեսարժան վայրերով, որի ընթացքում կտեսնեք Իսպանիայի մայրաքաղաքի հայտնի վայրերը՝ Կոլումբոսի և Իսպանիայի հրապարակները, Ռեկոլետոս և Կաստելյանո բուլվարները, Պրադոյի պողոտան, «Լաս Վենտաս» ցլամարտի արենան, Սան Ֆրանցիսկո էլ Գրանդե տաճարը, Դեբոդի տաճարը և Ատոչա երկաթուղային կայարանը։ Կունենաք ազատ ժամանակ՝ քաղաքը ինքնուրույն բացահայտելու համար, կամ ցանկության դեպքում՝ ունենալ այցելություն Պրադոյի թանգարան։ Օրվա երկրորդ կեսին ցանկացողները կարող են մասնակցել ֆլամենկոյի շոուի՝ ընթրիքով և ավանդական իսպանական տապասների համտեսով։ Գիշերակաց հյուրանոցում։

Նախաճաշ հյուրանոցում։ Այնուհետև ճանապարհը շարունակվում է դեպի Անդալուսիա։ Ցանկության դեպքում հնարավոր է մասնակցել Տոլեդոյի էքսկուրսիային՝ այցելելով ՅՈՒՆԵՍԿՕ-ի համաշխարհային ժառանգության քաղաքը, որը գտնվում է Տախո գետի վերևում գտնվող ժայռի վրա։ Տոլեդոյում նախատեսվում է շրջայց քաղաքի պատմական կենտրոնում, որտեղ կտեսնեք Կաթեդրալը, հրեական թաղամասը և քաղաքի գեղատեսիլ համայնապատկերները։ Այնուհետև ճանապարհը կշարունակվի Կաստիլիա-Լա Մանչայի ընդարձակ տարածքներով դեպի Կորդովա՝ արաբական Իսպանիայի պատմական «մարգարիտը»։ Ցանկության դեպքում այստեղ նույնպես հնարավոր է մասնակցել էքսկուրսիայի՝ տեսնելու Մեսկիտա-Կաթեդրալի արտաքին հատվածը, Ալմոդովարի դարպասը, Կորեդերա հրապարակը, հրեական թաղամասը, ավանդական անդալուսյան փողոցներն ու հայտնի ծաղկազարդ բակերը։ Գիշերակաց Կորդովայի շրջակայքում գտնվող հյուրանոցում։

Նախաճաշ հյուրանոցում։ Առավոտը նախատեսված է ազատ ժամանակի համար։ Ցանկության դեպքում հնարավոր է մասնակցել էքսկուրսիայի դեպի Սևիլիա՝ Անդալուսիայի վառ ու գունեղ սիրտը։ Էքսկուրսիայի ընթացքում կզբոսնեք Սանտա Կրուս թաղամասում, կտեսնեք ցլամարտի արենան և կզբոսնեք Գվադալկիվիր գետի ափով։ Ցանկության դեպքում հնարավոր է այցելել նաև Սևիլիայի Կաթեդրալ և բարձրանալ Հիրալդա աշտարակի դիտակետ՝ քաղաքի հիասքանչ տեսարանները վայելելու համար։ Ծրագիրը ներառում է նաև Իբերո-ամերիկյան ցուցահանդեսի 1929 թվականի տարածքի այցելություն՝ Իսպանիայի հրապարակ, Ամերիկայի հրապարակ և Մարիա Լուիզա այգի։ Այնուհետև վերադարձ Կորդովա։ Գիշերակաց Կորդովայի շրջակայքում գտնվող հյուրանոցում։

Նախաճաշ հյուրանոցում։ Այնուհետև ճանապարհորդությունը շարունակվում է դեպի Գրանադա՝ Իսպանիայի տպավորիչ և ամենագեղեցիկ քաղաքներից մեկը։ Ցանկության դեպքում հնարավոր է մասնակցել էքսկուրսիայի՝ բացահայտելու քաղաքի պատմական ու մշակութային ժառանգությունը։ Էքսկուրսիայի ընթացքում կտեսնեք Ալհամբրայի պարիսպները, Արդարության դարպասը, Կառլոս V-ի պալատը, արաբական բաղնիքները, կզբոսնեք Ալբայսին հին թաղամասում, կտեսնեք Գրանադայի Կաթեդրալը, Հին մետաքսի շուկան, Թագավորական մատուռը և Նասրիդների մեդրեսեն։ Էքսկուրսիան կավարտվի Բիբ-Ռամբլա հրապարակում։ Այնուհետև մեկնում և գիշերակաց հյուրանոցում՝ Մուրսիայի շրջակայքում։

Նախաճաշ հյուրանոցում։ Այնուհետև մեկնում դեպի Վալենսիա՝ Իսպանիայի երրորդ խոշոր քաղաքը։ Այստեղ կայցելեք ժամանակակից և տպավորիչ Արվեստների և գիտությունների քաղաքը, որից հետո կզբոսնեք քաղաքի պատմական կենտրոնում։ Շրջայցի ընթացքում կտեսնեք Մետաքսի բորսան (La Lonja de la Seda), Կենտրոնական շուկայի գեղեցիկ ճակատը և Սուրբ Մարիամի Կաթեդրալը։ Վալենսիան հայտնի է նաև որպես պաելյայի հայրենիք, ուստի քաղաքում կզգաք իսկական իսպանական խոհանոցի և միջերկրածովյան մշակույթի յուրահատուկ մթնոլորտը։ Շրջայցից հետո մեկնում դեպի Բարսելոնա։ Գիշերակաց Բարսելոնայի շրջակայքում գտնվող հյուրանոցում։

Նախաճաշ հյուրանոցում։ Տուրի ավարտին կազմակերպվում է տրանսֆեր դեպի Բարսելոնայի օդանավակայան՝ վերադարձի չվերթի համար։ Այսպիսով, ավարտվում է ձեր 9-օրյա ճանապարհորդությունը Իսպանիայով՝ Բարսելոնայից մինչև Անդալուսիա և Վալենսիա։